15-январдиз Махачкъалада РД-дин гьукуматдин членрин ишти­раквал аваз кьиле фейи совещанидал республикадин сад лагьай вице-премьер Руслан Алиева региондин министерствойринни ведомствойрин кьилерал агьалийрин арзайриз вахтунда жаваб гун тапшурмишна.

«Алай вахтунда республикадин жуь­реба-жуьре шегьерра, районра агьа­лийри гегьеншдиз интернетдикай менфят къачузва, гзафбуру социальный сетра чпин кIвалера эквер, чимивал, яд, газ авачирдикай хабар гузва, маса месэлаяр къарагъарзава. Абурун арзайриз талукь яз гьукумдин вири дережайра мониторинг тешкилун герек я. Амма и карда важиб­луди нетижа я: агьалиди арзада къарагъарнавай месэла гьялун», — лагьана Руслан Алиева.

РД-дин Кьилин ва Гьукуматдин Администрациядин Руководителдин заместитель Рашид Акаво­ван гафаралди, алатай гьафтеда социальный сетра республикадин агьалийрилай, санлай къачурла, 3486 арза атана. Абурун 70 процент эквер хкахьуниз талукь тир. Статис­тикадин рекъемриз килигайла, якъин­ жезвайвал, гьял тавунвай­ виридалайни гзаф месэлаяр рес­пуб­ликадин энергетикадин хиле ава.

Р.Акавова гьакIни къейд авурвал, агьа­лийрихъ галаз алакъа хуьн­ патал «Даг­энергоди» алатай йи­суз арадал гъайи канал алай вах­тунда кардик кумач. Аварийрин­ гьалар арадал атун эквер хкахьай чIавуз агьалияр и кардикай маса идарайриз хабар гуниз мажбур жезва.

Руслан Алиева РД-дин ре­къем­­­рин рекьяй вилик финин,­ энергети­кадинни тарифрин минис­терствой­­риз, информация­дин ва пе­чат­дин Агентстводиз «Даг­­энер­го­дихъ­» га­лаз санал агьа­лийрихъ галаз ала­къа хуьдай цIийи канал арадал гъунин тапшуругъ гана.

Чи мухбир