Квез чидани?
Шикилдай аквазвай тарциз джошуа ва я юкка (урус чIалал) лугьузва. Ам гьамиша къацу, куьруь пешер жедай тар я. И ажайиб набатат США-дин къумлух чкайра, кьилди къачуртIа, Юта, Невада, Аризона ва Калифорния штатрин мулкара экъечIзава. Анра и тарцин Джошуа-Три тIвар алай милли паркни арадал гъанва. Тикрар тежер хьтин акунар авай тар тирвиляй ам Мохаве къумлухдин ярж яз гьисабзава.
Лап куьгьне джошуа тарарин «яшар» са шумуд виш йисакай ибарат хьун мумкин я. И тар яцIуди, цацарин пешер алайди я, ам 5 метрдилай 12 метрдал кьван кьакьанвилихъ хкаж жеда.
Итижлу делилрикай сад ам я хьи, сифтедай «джинс» парча памбагдикай ваъ, юккадин (джошуадин) векъи чIунарикай гьазурнавай.
И набататдик сагъарунин такьатарни ква: бедендин кIвалахдик гьерекат кутада, дамаррин давление хкажда, нефес чIугунин къурулушдиз хъсан патахъай таъсирда.
И тарцин дувулар запун квай затIаралди девлетлу я, гьавиляй индейцийрин тайифайри абурукай шампунь гьазурзава.
«Лезги газет»
