2022-йисан нетижайралди, кIвалахда хъсан агалкьунар хьанвай Дагъустандин са шумуд муниципалитетдиз пулдин грантар чара авунва. «Лезги газетдиз» РД-дин Кьилин пресс-къуллугъди хабар гайивал, талукь Указдал Сергей Меликова къул чIугуна ва и макьсаддиз республикадин бюджетдай 25 миллион манат ахъайнава.
Кьилди къачуртIа, шегьеррин арада виридалайни хъсандиз кIвалах тешкилнавайбурун арада Дербент, Хасавюрт ва Къизилюрт ава. Районрин арада – Лак, Ахвах, Къули (кьакьан дагъларин зона), Гуьмбет, Акуша, Кьурагь (дагълух зона), СтIал Сулейманан, Казбек, Табасаран (дагъларин ценерив гвай зона) ва Хасавюрт, Дербент, Къизляр районар (арандин зона).
Чи мухбир
