Украинада кьиле тухузвай дяведин махсус серенжемда иштиракзавайбурун арада Къурушрин хуьруьн жегьиларни ава. Заз абурун тIварар кьаз кIанзава: Дашдемир, Минбала Рустамовар, Магьмуд, Мариф, Бекер Гьажиевар, Ильяс, Рамазан Рамазановар, Азиз Гьажиев. Абуру чпин пак буржи намуслувилелди кьилиз акъудзава. Вирида Росгвардияда къуллугъзава. Отпуск гайи вахтунда хайи ватандиз хквезва, хизандал, диде-бубадал, мукьва-кьилийрал кьил чIугвазва.
Жузунар авурла, абуру вирида гьа сад хьтин жавабар гана: «Чун чи командиррилай, чаз тешкилнавай шартIарилай, пара рази я. РагъакIидай патанбуру гьикьван алахъунар авуртIани, чун гъалиб жеда».
Гьайиф хьи, викIегь жегьилрикай Рустамов Рустам телеф хьана. Им чаз пара хажалатдин кIвалах хьана. Рустаман викIегьвилер (телеф хьайидалай кьулухъ) «Дирибашвиляй» медалдалди къейднава.
Заз махсус серенжемда иштиракзавай вирибуруз, гьа жергедай яз чи хуьруьн кьегьалризни, баркалла лугьуз кIанзава. Умудлу я, гьахъ винел акьалтда, махсус серенжемни, вилик эцигнавай везифаяр кьилиз акъудна, мукьвал вахтунда куьтягь жеда ва Россияди гъалибвал къейдда.
Шихали Багъиров
