Гуьгьуьллубурун дестедик кваз фена, Донбассда дяведин махсус серенжемда миллетбазрихъ галаз игитвилелди женг чIугвазвай викIегь хуьруьгви Якъубов Икрам Тажидиновичаз «Георгийдин IV дережадин хаш» орден ганвайдакай чна и мукьвара хабар ганай. Ингье са варзни арадай фенач, ам мад женгина тафаватлу хьана.
РФ-дин оборонадин министр, армиядин генерал Сергей Шойгудин Указдалди дагъвидиз «Женгинин тафаватлувилерай» медаль ганва. Чи мурад ам сагъ-саламатдиз, гъалибвал гваз ва хурудал игитвилин къизилдин гъед алаз хайи хуьруьз хтун я.
Къуллугъдин везифаяр намуслудаказ тамамарзавай, вичин чешнедалди жегьилар руьгьламишзавай Икрам Якъубов хьтин дирибаш, ватанперес рухвайриз ва гьахьтин рухваяр тербияламишзавай диде-бубайризни муаллимриз баркалла!
Дашдемир Шерифалиев
