Ери-бине Ахцегь райондин Фиярин хуьряй тир Къурбанов Мегьди Назимович 1988-йисуз Саратов шегьерда дидедиз хьана. 2022-йисан сентябрдиз жегьил итимди РФ-дин Яракьлу Къуватрихъ галаз кьве йисан икьрар кутIунна ва Украинадин нацистринни фашистрин аксина гъиле яракь кьуна. Ватан хуьнин буржи тамамарунин карда ада чешне къалурзава.
Алакьунриз килигна, жергедин аскердал — викIегь дагъвидал 98-полкунин батареядин старшинавилин жавабдар везифаяр ихтибарнава.
Инал заз Мегьди Къурбанован викIегьвал къалурзавай са дуьшуьшдикай ихтилатиз кIанзава. Чуьлдин шартIара хирер хьанвай аскерриз куьмекиз атай духтуррин десте бирдан душмандин тупарин лишандик акатна. И кар акур Къурбанова, гьич фикирдай легьзени авачир, а патал акъвазарнавай бронетранспортёрдиз худ яна ва духтурар тупарин хаталувиликай хкудна.
Гуьгъуьнлай, частунин са офицердин къалуруналди, командованиди къутармиш хьайи 4-5 духтурдиз медалар гана. Амма, чандилайни гъил къачуна, духтурар цIукай хкудай халис игит рикIелай ракъурна. Къурбанован командирдивай гьахъсузвал кьабулиз хьанач. Ада вичин командованидиз духтурар къутармишай дирибаш старшинадикай кхьена. Са варзни арадай фенач, М.Къурбанован тIварцIелни женгинин шабагь хтана. Душмандихъ галаз къизгъин женгина къалурай игитвиляй, кьетIен жуьрэтлувиляй ам «Къизгъин кьегьалвиляй» медалдиз лайихлу хьана.
Дашдемир Шерифалиев
