Россиядин Яшайишдин фондуни алай йисуз 9 миллиондилай артух, абурукай саки 545 агъзурдав агакьна аялрин диде-бубайриз Дагъустанда авай Управлениди сад тир пособие тайинарнава.
РикIел хкин: сад тир пособиди агьалийриз куьмек гунин са шумуд серенжем садаз элкъуьрнава. Ам хизанда авай гьар са касдал регионда яшамиш хьун патал тайинарнавай агъа кIанин пулунин (Дагъустанда — 13081 манат) кьадардилай тIимил къвезвай хизанриз гузва. Адан кьадар 50%, 75% ва 100% хьун мумкин я.
Сад тир пособие къачун патал диде-бубайриз «Госкъуллугъар» порталдин куьмекдалди арза гун бес жезва. Амай лазим документар Яшайишдин фондунив ведомствойрин арада авай документооборотдин куьмекдалди агакьарзава. Диде-бубайрин мадни къулайвал патал са арзада и пособидик акатзавай са шумуд аял къалуриз жезва.
Сад тир пособие къачун патал аялдин диде-буба Россиядин гражданар ва датIана ина яшамиш хьун лазим я. Мадни ам тайинардайла, диде-бубадин дуллухриз вири патарихъай къимет (комплексная оценка) гузва, гьакIни — абур квел машгъул ятIа, гьадазни ва я кIвалах тавунин себебризни.
Рагнеда Рамалданова
