Кlири-Буба. Профессор М.Вагьабова кхьена хьи, викlегь абрек Кlири-Буба масадав гекъигиз тежер хьтин халкьдин игит хьана. Къагьримандиз вичин халкь гзаф кlандай. И гьакъикъат адаз бахшнавай гзаф кьадар манийрайни малум жезва. Тlвар-ван авай лезгидиз бахшнавай манийри Кьиблепатан Дагъустандин хуьрерин гзаф мярекатра, мехъеррик ванзава.
Заманов Хаирбег Демирбегович (1907-1983). Вичин ери-бине Усугъчай хуьряй тир Ватандин Чlехи дяведин иштиракчи. Дагъустанвийрикай анжах Х.Замановакай стрелковый дивизиядин командир хьана. Женгера къалурай къагьриманвилер Ленинан, Женгинин Яру Пайдахдин кьуд, Суворован, Кутузован, Александр Невскийдин, Яру Гъед ва Ватандин дяведин орденралди, цlудалай гзаф медалралди къейднава.
Лезгийрин майишат. Дагълух чкайрани дуьзенлухра авай лезгийрин адетдин кlвалахрик магьсулдарвални малдарвал акатзава. Тумар цанвай майданрин чIехи пай магьсулри кьунва — мух, къуьл, гьажибугъда, цуькl, дуьгуь, сил ва мсб. ХIХ асирдилай лезгияр саланни бахчадин майваяр (келем, картуф, памидор, хали ва икl мад) цунал машгъул хьана.
Гьазурайди — Куругъли Ферзалиев
