29-августдиз РФ-дин оборонадин министрдин заместитель Тимур Ивановни РД-дин Кьил Сергей Меликов Махачкъала ва Каспийск шегьерра эцигзавай яшайишдин объектар авай гьалдихъ галаз таниш хьана. Идакай «Лезги газетдиз» Дагъустандин Кьилин пресс-къуллугъди хабар гана.

Кьилди къачуртIа, абур Махачкъаладин­ «Ип­подром» микрорайонда эцигнавай кIел­дай 1224 чка авай мектебдиз, Каспийскда эцигзавай госпиталдиз фена, Дагъустанда Кас­пийскдин флотилиядин инфраструктура­ вилик тухузвай ва военный къуллугъчияр патал объектар эцигзавай гьал ахтармишна. Гуьгъуьнлай Т.Ивановани С.Меликова эцигунриз талукь мес­элайрай совещание кьиле тухвана.

РикIел хкин, «Ипподром» районда мектеб­ «Об­разование» милли проектдин сергьятра аваз эцигнава. Ам алай йисан 1-сентябрдиз ахъайдайвал я. Мектебдин умуми майданди 26 агъзур кв.метр тешкилзава ва ам 4 блокдикай ибарат я.

Чи мухбир