СтIал Сулейманан районда Испикрин хъенчIин къапарин сеняткарвилел чан хкидайвал я. Идакай, ЦУР-диз интервью гудайла, Дагъустандин туризмдин ва халкьдин художественный сеняткарвилерин министр Эмин Мерданова хабар гана.
«СтIал Сулейманан районда Испикрин хъенчIин къапарин сеняткарвал арадиз хкун патал чIехи кIвалах кьиле тухванва. Мисал яз, и сеняткарвилел машгъул жезвай устIарар тайинарнава, хъенчIин къапар арадал гъизвай къайдаяр, абурун къадим кIалубар ахтармишнава. УстIарар патал хъенчIин къапар кузвай махсус пич маса къачунва», — лагьана Эмин Мерданова.
Министрдин гафаралди, дагъвийрин къадим сеняткарвилер пара ава ва алай вахтунда абурал чан хкидай рекьер тайинарзава. Ихтилат Къайтагъдин, Усишадин, Гапшимадин гъаларалди, Къубачидин къизилдин гъаларалди нехишар атIудай сеняткарвилерикай, макьамар ядай алатрикай, къумукь халкьдин «тастар» келегъадикай физва.
Агьмед Магьмудов
