Дагъустандин дидейривай цIийиз хайи аялар «Госкъуллугъар» порталдин куьмекдалди регистрация ийиз жеда. Им регьят ва къулай къайда я. Кьилинди, ЗАГС-дин учирра акъвазунин гереквал амукьзавач.
Аял хайидалай кьулухъ духтурди аял хайивилин медицинадин электронный справка туькIуьрзава. И кар дидедин разивал аваз кьилиз акъудзава. Документ дидедин «Госкъуллугъра» авай хсуси кабинетдиз хквезва. Адалай кьулухъ дидеди, аялдин тIварни къалурна, арза ацIурзава. Гуьгъуьнлай бубади «Госкъуллугъра» авай вичин хсуси кабинетда разивал къалурзава.
Регистрация авурдалай кьулухъ аял хайивилин гьакъиндай шагьадатнама вахчун патал дидедиз ЗАГС-диз ва я МФЦ-диз теклифда. Документ вахчудай къулай вахтни жува хкядай мумкинвал ава.
Капиталдин такьатар
(Суал-жаваб)
— Дидевилин капиталдин сертификат ганвай аялдин стхадин, вахан образование патал капиталдин такьатар харж ийиз жедани?
— Эхь, жеда. Капиталдин такьатар хизанда авай гьар са аялдиз чирвилер гунин рекье харж ийидай ихтияр ава.
РикIел хкун важиблу я хьи, мектебда, вузда, колледжда чирвилер къачун патал дидевилин капиталдин такьатар анжах сертификат ганвай аялдин 3 йис тамам хьайидалай кьулухъ ишлемишиз жеда. Капиталдин такьатрихъ чирвилер къачунив эгечIай вахтунда веледдин яш 25 йисалай виниз хьана кIанзавач.
Яслийрин, аялрин бахчайрин гьакъияр гун патал дидевилин капиталдин такьатрикай сертификат къачурдалай кьулухъ гьасятда менфят къачуз жеда.
Капиталдин гьисабдай санлай са шумуд аялдин образование патал гьакъи гудай ихтиярни ава.
«Лезги газет»
