Квез чидани?
. Эрменистандин меркез Ереван дуьньяда лап къадим шегьеррикай сад яз гьисабзава. 2018-йисуз Еревандин 2800 йис къейдна.
. Ереван Эрменистандин виридалайни еке ва гуьрчег шегьер я. Адан умуми майдан 223,28 квадратный километрдикай ибарат я.
. Ереванда 1 миллионни 100 агъзурдав агакьна инсанар яшамиш жезва.
. Шегьерда вири эрмени чIалал рахазва, вирибуруз урус чIални чизва. Ингилис чIал чизвай жегьил ереванвиярни ава.
. Ереванда саки гьар са пипIе пулсуз Wi-Fi жагъуриз жеда. Шегьердин автобусрани гьавая интернетдикай менфят къачудай мумкинвал ава.
. Ереванда цIийиз эцигнавай гзаф мертебайрикай ибарат ва хсуси кIвалер гзаф ава.
. Москвадин къиметрив гекъигайла, Ереванда маса гузвай ва кирида вугузвай кIвалерин къиметар хейлин ужуз я.
. Ереван къулай, фикир желбдай чка я. Чкадин архитектурадал гьейранвал ийиз, шегьердин куьчейра сятералди сейр ийидай ашкъи жеда.
. Эрменистандин тIебиат гуьрчегди я. Республикадин лап иер чкайриз Еревандай 3-4 сятда улакьда аваз физ жеда.
. Шегьерда жемиятдин улакьрин патахъай са четинвални авач. Таксиярни, автобусарни, метрони кардик ква. Трамвайдин рекьер лагьайтIа, СССР чкIайдалай кьулухъ чIур хъувуна.
. Метрополитен шегьерда 1981-йисуз ачухна. Метро 1 линиядикайни 10 станциядикай ибарат я.
. Итижлу делилрикай сад ам я хьи, Ереванда са миллетдикай ибарат агьалияр яшамиш жезва, абурун 99 процент эрменияр я.
. Ереванда виридалайни машгьур автомобиль «Мерседес Гелендваген» я, халкьди адаз «Ящик» лугьузва. Бязибуру зарафатривди къейдзава хьи, 20 йисалай Ереванда жедайбур анжах «Гелендваген» машинар я.
. Еревандал «Чар гьавизрин шегьер» тIварни акьалтнава – чар гьавизар гзаф авайвиляй.
. Шегьердин гьар са пипIе ресторан, кафе дуьшуьш жезва. Недай затIарин къиметарни багьабур туш.
«Лезги газет»
