Дагъустандихъ 2023-йисуз салан (бахчадин) бегьерар кIватIунин кьадар 215 агъзур тонндив агакьардай фикирар ава. Идакай «Интерфакс» изданидиз республикадин хуьруьн майишатдин ва недай суьрсетдин министрдин сад лагьай заместитель Шарип Шарипова хабар ­гана.

Адан гафаралди, алатай йисуз 187 агъзур тонн кIватIнавай. ЦIи абурун кьадар 15 процентдин артух хьун вилив хуьзва.

Министрдин сад лагьай заместителди къейд ийизвайвал, салан бегьерар кIватIунин кIвалах активнидаказ кьиле физва, саки 30 процент цанвай чилер (посев) кIватI хъувунва. Бегьерди шадарзава: са гектарди 334 центнер ганва, им, алатай йисав гекъигайла, 16 процентдин гзаф я. Эгер и тегьерда давам жез хьайитIа, алай йисуз 215 агъзур тонн кIватIун фикирдиз къачунва.

Адан малуматралди, кIватIзавай бегьеррикай саки 70 процент къарпузрални гатун халийрал гьалтзава.

«Лезги газет»