Алатай гьафтеда Махачкъалада, Росгвардиядин Дагъустанда авай Управленида, анин начальник, генерал-майор Александр Орехован регьбервилик­ кваз йисан алатнавай паюнин нетижаяр кьуниз талукьарнавай­ гегьенш совещание кьиле фена. Ана территориальный органдин регьбердин заместителри, махсус подразделенийрин командирри, региондин ведомстводик акатзавай (подчиненида авай) къурулушрин начальникрини иштиракна.  

Совещанидал Росгвардиядин Дагъустанда авай Управленидин начальникдин заместитель, полковник, штабдин командирдин везифаяр вахтуналди тамамарзавай Вадим Къурбанова кьилин доклад авуна. Малум хьайивал, алай йисан алатнавай зур йисуз Дагъустанда авай Управленидин подразделенийри къуллугъдинни­ женгинин агъзурдалай виниз везифаяр, кIвалахар кьилиз акъуднава. Кьилди къачуртIа, респуб­ликада кьиле физвай важиблу вири серенжемра, гьакI шад мярекатра Росгвардиядин къуллугъчийри общественный къайдаяр хвена. Рес­публикадин къанун-къайда хуьнин рекьяй алакъада аваз кIва­лахзавай маса къурулушрихъ галаз санал тахсиркарвилерин вилик пад кьадай ва фад гел жагъурдай серенжемра иштиракна.

Гуьгъуьнлай управленидин регь­бердин амай заместителри кьиле тухузвай кIвалахриз талукь докладрихъ яб акална.

Генерал-майор Александр Оре­хова вилик эцигнавай месэлаяр виниз тир дережада кьилиз акъудунай подразделенийрин командиррилайни личный составрилай рази­вал къалурна, 2023-йисан кьвед лагьай паюнин везифаяр тайинарна, тапшуругъар гана.

— Алай йисан сад лагьай пай патал вилик эцигнавай месэлаяр тамамдаказ кьилиз акъудиз алакьнава. Росгвардиядин Дагъустан Республикада авай Управление Кеферпатан Кавказдин округдин терорганрин арада вилик жергейра ава. Гьакъисагъ къуллугъдай, Ватандин итижар хуьниз датIана гьазурвал къалурунай куьн сагърай, — лагьана ада.

Эхирдай А.Орехова кIвалахда тафаватлу хьайи къуллугъчийрив шабагьар  ва къиметлу пишкешар вахкана.

Рагнеда  Рамалданова