Дербентда яшамиш жезвай миграгъви, халкьдин хийирдин гзаф крариз къаюмвалзавай карчи Исмиханов Рамизаз – Къиримханан хциз:

Пуд уьмуьрни тIимил я жед Миграгъа,

Рагъ кьабулиз фад гьуьлелай къарагъай.

Шалбуздагъдин пак нурарин леледал –

ГьикI дамахдач мерд лекьерин къеледал!

 

Хва я вунни гьа кьакьанрин жинсерин,

Генгвал ганва гужлувилиз гьиссерин.

Къаст датIана къайгъудава хийирдин,

Къачузвай гьар са къадам я магьирди!

 

И кар тушни мегер чашне несилдиз!

Гаф авай туш, аферин ви эсилдиз!

Вун хайи югъ тебрикиз чун кIвачелла,

Гьич такурай чи никIериз эчIелар!

Дидеди вун чаз багъишай югъ барка ийизвай Мерд Али, адан хизанар, ваз кIани дустар, багърияр.