Медицинадин къуллугъчийрин йикъан сергьятра аваз, Сулейман-Стальский райондин кьил Нариман Абдулмуталибова гзаф йисара гьакъисагъвилелди зегьмет чlугунай, райондин здравоохраненидин хел вилик финик чlехи пай кутунай зегьметдин ветеран Рукъият Гъаниевадив муниципальный райондин патай гьуьрметдин грамота вахкана.
Гзаф йисара инсанрин сагъламвилин къаравулда акъвазай, намуслувилелди вичин буржи кьилиз акъудай пешекар духтурдиз райондин кьили тебрикдин гафар лагьана.
Вичин нубатда Рукъият Гъаниевади райондин кьилин ва руководстводин адресдиз алхишдин келимаяр лагьана.
«Лезги газет»
