Лезгийрин милли «Самур» макан Азербайжан Республикадин юстициядин министерствода цIийи кьилелай регистрация хъувунва.
Тешкилатдин председатель яз Имран Рзаев тестикьарнава. Адан заместителрин везифаяр Афер Алифовани Натик Алиева тамамарда. Къейд ийин хьи, тешкилатдин правленидиз хкянавай 12 касни кIвалахунал рикI алайбур я.
* * *
КцIар райондин футболдин «КцIар» команда Азербайжандин регионрин арада кьиле тухузвай чемпионатдин финалдиз акъатнавай. Финалдин акъажунар Зенгиландин «Чинар» командадихъ галаз Товуз райондин стадиондал кьиле фена.
Сад лагьай тайм кьиле физвай чIавуз «КцIар» командадик кваз къугъвазвай са футболистдиз «яру карта» гана ва судьяйри и командадин варариз пенальти ядай къарар кьабулна. Амма кцIарвийри пенальтидай чпин варариз туп ахъайнач. Нетижада и тайм 0:1 гьисабдалди, «КцIар» командадин хийирдиз акьалтI хьана.
Мад са туп «Чинардин» варариз кцIарвийри кьвед лагьай таймдани яна ва нетижада финалда «КцIар» гъалиб хьана.
Къейд ийин хьи, яргъал рекьизни килиг тавуна, чпин футболистрик руьгь кутун патал КцIарай Товуздиз (саки 600 километрдин мензилдиз) 6 автобусда авай кьван инсанар фенвай.
Мубаракрай кцIарвийриз!
Абир ЭчIехви
