2023-йисан 22-июндиз, РикIел хуьнин ва гъам чIугунин юкъуз, сятдин 1-даз 15 декьикьа кIвалахайла, Урусатдин вири мулкарал «Минута молчания» лишандик кваз уьлкведин дережада авай серенжем кьиле фида.
Къейд ийин хьи, ам Ватандин ЧIехи дяведин йисара телеф хьайи 27 миллион касдин экуь къаматар рикIел хуьниз талукьарнава.
Урусатдин агьалийри XX асирда виридалайни гзаф ивияр экъичай дяведин къурбандар – чпин багърияр ва далу пата зегьмет чIугур кьегьалар рикIел хкида.
Чна виридаз и серенжемдик экечIуниз теклифзава.
«Лезги газет»
