И йикъара Дагъустандин Кьил Сергей Меликова Украинада кьиле физвай махсус серенжемда игитвилелди телеф хьайи Уллу-Гъетягърин хуьряй тир Имам Мегьтиханован бубадив жуьрэтлувилин Орден вахкана.
Гуьруьшдал рагьметлудан буба Расулбег Мегьтиханова Уллу-Гъетягърин хуьре яшайишдин ва са жерге маса месэлайрин гьакъиндай авай гьалар ачухна ва хуьруьнвийрин тварцIихъай райцентрадилай хуьруьз кьван физвай рекье (12 км) къир цун патал куьмек гун тIалабна.
Сергей Меликован тапшуругъдалди, и мукьвара райондиз Гьукуматдин Председателдин меслятчи (советчик) Мегьамед Юсупов мугьман хьанвай.
Райондин кьил Саид Темирханован иштираквални аваз чкадал фена гьалар ахтармишна, махсус пешекаррин меслятарни фикирда кьуна, Кьасумхуьр – Уллу-Гъетягъар рекье энгел тавуна къир цунин гьерекатриз рум гудайдахъ умуд кутуна.
«Идахъ галаз санал, хуьре хъвадай ва дигидай цикай авай дарвал авайдини Сергей Меликовал агаккарда», — алава хъувуна Мегьамед Юсупова.
Эльвира Небиева, ДГУ-дин филологиядин факультетдин 4-курсунин студентка
