Дагъустанда электроэнергиядин базарда къимет арадал гъунин къайда мад 5 йисан вахтунда авайвал амукьда, хабар гузва республикадин сетевой компаниядин пресс-къуллугъди.
Ихьтин къарар мукьвара Россиядин энергетикадин министрдин заместитель Вячеслав Кравченкодин регьбервилик кваз кьиле фейи видеосовещанидал кьабулна. Дагъустандин патай совещанида РД-дин транспортдин ва энергетикадин министр Сайгидпаша Умаханова, “Дагъустандин сетрин компания” АО-дин идара ийизвай директор Муртазали Гитиносулова, Республикадин тарифрин рекьяй къуллугъдин руководитель Марат Мамаева иштиракна.
Селекторный совещанидин вахтунда санлай гзаф кьадарда аваз къачудай базарда электроэнергиядин къиметар Дагъустан Республикадин муьштерияр патал уьлведин маса регионра авайбурулай ужузбур яз амукьунин планар веревирдна.
Гьазурайди — Жасмина Саидова
