* * *
Сулейман гьакъикъатда халкьдин шаир тирди гзафбуру къейдзава. “Ам халкьдин ахьтин гьакъикъи шаиррикай сад тир хьи, и шаирар зегьметчийрин гегьенш къатарай акъатна ва чпин яратмишунар халкьдин жанлу чIалан чешмейралди яшамиш жезва”. ИкI лагьанай Ленинграддин писателри — А.Толстоя, Н.Тихонова, Б.Лавренева, А.Прокофьева ва масабуру.
* * *
“Адаз Дагъустандин халкьдин шаир лагьай тIвар ганва. Ам халкьдин халис шаир я, виликдай капитализмди зулумдик кутунвай, гила лагьайтIа, вири къуватралди еке хьанвай чIехи, акьуллу инсанрикай сад я”.
А.Безыменский
* * *
“СтIал Сулеймана, адан вири уьмуьрди, адан вири яратмишунри вичин девирдин чIехивал субутарзава, и девирди халкьдихъ галаз ара атIун авачир алакъада еке жезвай инсандин вири къуватар ва бажарагълувилер вилик фин патал шартIар арадал гъизва”. ИкI кхьенай шаирри — украинвийри — Тычина Павлоди, Бажан Миколади ва Рыльский Максима.
* * *
Дагъустандин халкьдин шаирдиз еке къимет гьакI К.Федина, П.Павленкоди, В.Вишневскийди ва маса писателри ва шаиррини гана.
Шаирдикай Джамбул Джабаева, Янка Купалади, Демьян Бедныйди, Михаил Исаковскийди, Гьамзат ЦIадасади, Хуьруьг Тагьира ва маса шаирри баркаллувилин чIалар туькIуьрна. Абур кIелайла, Ватандал рикI алай гьар са инсандик дамахдин гьисс акатзава.
* * *
СтIал Сулейманан шииратдин жавагьирар, П.Павленкоди керчекдиз къейд авурвал, “рикIяй-рикIиз, вишерилай вишерал, агъзуррилай агъзуррал, миллионрилай миллионрал физва”.
(Жуьреба-жуьре чешмейрай).
«Лезги газет»
