Къе лезгийрин бажарагълу шаир, милли эдебиятдин, публицистикадин ялавлу векил, «Лезги газетдин» эдебиятдинни медениятдин отделдин редактор, РФ-дин ва РД-дин медениятдин лайихлу къуллугъчи, Шалбуздагъдин ценерив гвай Миграгърин хуьряй тир Мердали Абдулазизович Жалилова вичин 80 йис къейдна. Юбилярдиз и вакъиа за жуван, гьакI райондин жемятдин патайни рикIин сидкьидай мубаракзава.

Гафунин устадриз гьамиша къимет хьайиди я. Мердали Абдулазизовичан хци къелемдикай хкатнавай метлеблу  макъалайри, эдебиятдин эсерри халкьдик ватанпересвилин руьгь кутазва, несилриз хъсан тарс гузва. Чаз чизва хьи, шаирди кIелзавайбурун патай еке гьуьрмет къазанмишнава. Яратмишзавай устад патал им виридалайни хъсан шабагь я.

Къуй квехъ чандин мягькем сагъвал, рикIин шадвал хьурай, гьуьрметлу Мердали Абдулазизович!

Мегьамед Шамилов,

Докъузпара райондин кьил