РикIин гьал ахтармишун патал зун хъсан духтурдин суракьда авай. Гъавурда авай пешекарар я лугьуз тарифзавай са шумуд духтурдин патав фена, амма садавайни заз куьмек гуз хьанач.
Эхирни зун са мукьва-кьилидин меслятдалди Белижда кIвалахзавай кардиолог Аюб Халилович Эскендерован патав фидайвал хьана. РикIел хкин, адакай мукьвара “Лезги газетдиз” “Аюб духтур” тIвар алаз макъала акъатнавай.
Гьакъикъатдани, ам кардин гъавурда авай пешекар я. Герек тир ахтармишунар кьиле тухвайдалай кьулухъ ада диагноз тайинарна, герек тир раб-дарман кхьена. Шукур Аллагьдиз, зи гьал акваз-акваз хъсан хьана.
Аюб духтурдиз Гъалибвилин сувар мубарак авунихъ галаз сад хьиз, заз адаз газетдин чинилай рикIин сидкьидай сагърай лугьуз кIанзава. Къуй квехъ чандин сагъвал, яргъи уьмуьр, кIвалахдин рекье мадни еке агалкьунар хьурай, играми духтур!
Туьтуьхалум Мигьралиева,
Южно-Сухокумск
