Вилик гафтарин эхиримжи варз ва чими гад ква. Им инсанар яд авай чкайрихъ ахмиш хьунихъ ва чуьхуьнагар авунихъ галаз алакъалу вахт я. Чна гьар са касдиз мукъаятвал квадар тавуниз эвер гузва. Агъадихъ къалурнавай меслятри квез уьмуьр ва сагъламвал хуьз куьмекда.
- Чуьхуьнагар авун патал махсусдаказ туькIуьрнавай чкаяр, пляж, гьавиз хкягъун лазим я.
- Йикъан сятдин 11-далай нянин сятдин 5-далди ракъинихъ виридалайни гзаф хаталувал ава.
- Йикъан лап чими вахт жезмай кьван сериндик акъуд, кьилел алачиз ракъиник экъечIмир!
- Пиян яз циз гьахьмир! Ичкиди кьилин мефтIедин кIвалах акъвазарзава, идалди рикIиз гуж гузва.
- ТIуьн тIуьрдалай кьулухъ анжах 1,5-2 сят арадай фейила, чуьхуьнагар ийиз жеда. Идаз 15-20 декьикьадилай артух вахт серфна виже къведач.
- Циз, иллаки беден ракъиник ифенватIа, яваш-явашдиз гьахьна кIанда.
- Чуьхуьнагар авунин вахтунин кьадар гьавадин ва цин чимивилелай, гьакIни гарун йигинвилелай аслу жезва. И кар патал виридалайни хъсанди 25 градусдин чимивал я, гар авачир вахтунда.
- Къайи циз гьахьайла, гъилел ва я кIвачел таб акьалтун (судороги) мумкин я, ихьтин вахтунда кIвенкIв алай вуч гъиле гьатайтIани, адакай куьмек жеда.
- Тийижир чкадиз циз садлагьана кьилихъди вегьемир! Кьил чиле, къванце ва я маса затIуна акьун, гардандин цамар хун, жув-жувакай квахьун, инсан кьиникьал гъун мумкин я.
- Целай физвай гимийрин, катеррин, гидроциклийрин мукьув сирнавмир!
Агьмед Амирагьмедов, Россиядин МЧС-дин
РД-да авай ГУ-дин ГИМС-дин центрадин патрулдин
къуллугъдин Махачкъаладин дестедин старший госинспектор
