Къайдадик квачир ва я тахьайтIа ишлемишунин жигьетдай махсус сертификат галачир газдин алатар кардик кутун себеб яз, газдин ялдикди (угарный газ) агьалияр зегьерламиш хьайи дуьшуьшар арадал къвезва. И кардихъ галаз алакъалу яз “Газпром межрегионгаз Махачкала” ООО-ди агьалийриз, газ ишлемишдайла, хатасузвилин къайдайрал амал авуниз эвер гузва­.

Агьалияр чпин хатасузвал хуьнин къайгъуда хьун патал “Газпромди” абуруз агъадихъ галай са шумуд къайдадикай менфят къачун теклифзава.

1. Агьалийри чпин газдин приборди­, пичинин гурмагъри ва гьава дегишардай алатри кIвалахзавай тегьер гуьзчи­вилик кутун­ лазим, гум акъатзавай рекьер вахт­-вахтунда михьун герек я.
2. Газдикай менфят къачузвай ксари акIажариз жедай (гибкий) шланг авай гьал ахтармишун лазим я. Ам вич-вичел­ эл­къве­на ва я тахьайтIа, акъаж хьана ви­же къведач. ГьакIни шланг электрический алатрихъ (приборрихъ) галукьна кIандач.
3. Дараматда газдин ни аваз хьайи­тIа, ана газдин алатар ишлемишдай ихтияр авач.
4. Хуьрекардай кIвале гьава дегишарун патал кардик кутунвай махсус чка (вытяжка) азад хьана кIанда. Ам кIвалин умуми тир гьава ялдай каналдихъ (рекьихъ) гилигна виже къведач.
5. Газдин плитади ва я тахьайтIа колонкади кIвалахдай чIавуз дакIардин вил (форточка) ва я тахьайтIа дакIар ачухун лазим я.
6. Газдин алат эцигдайла ва я ам ремонтдайла, и кардал машгъул пешекарриз (махсус карханадин къуллугъчийриз) эвер гана кIанда.
7. Къайдадик квачир ва сертификат галачир газдин алатар (приборар) ишлемишна виже къведач.
8. КIвале газ тунихъ, газдин приборар ре­монт авунихъ, абур дегишарунихъ га­лаз­ алакъалу кIвалахар жуваз ийидай их­т­ияр авач (яни и кIвалахар алакьдай ва кьил акъатдай пешекарди авуна кIан­да).
9. Газдин турбаяр чеб чпихъ ва я та­хьайтIа маса алатрихъ галкIурнавай чкай­рин жуфтвал (герметичность) ачух цIал­ди, месела, спичкадалди, зажигалкадалди, шеминалди ахтармишна кIан­дач.
10. Газдин алатрив мектебдиз фин тийизвай яшда авай аялар агудна кIандач.
11. Газдин алатар чеб вуч паталди гьазурнавайди ятIа, гьа карда ишлемишна кIанда. Абурукай маса макьсадар аваз менфят къачуна виже къведач. Мисал яз, газдин плитадал пекер кьурурун дуьз туш ва я тахьайтIа, кIвал газ ачухдаказ кузвай цIалди чими авуна кIандач.
12. Газ алатдихъ галаз алакъалу ийиз­вай шланг вич вичел элкъуьрна, адал илисна ва чуькьвена виже къведач.
13. Дараматда газдин ни аваз хьайитIа, сифте нубатда газдин кран агална, ах­па ракIарар, дакIарар ачухна кIанда. Электри­ческий алатрик хкIуна виже къведач ва газ­дин къуллугъдиз (телефондин нумраяр: 04,104), “Къутармишдай къуллугъдиз” (те­лефондин нумра: 112) зенг авун лазим я.

КIвале ва квартирада авай газдин алат къайдадикай хкатай дуьшуьшра, яргъал вегьин тавуна, газдин къуллугъдиз хабар гана кIанда.

Газ ишлемишзавай гьар са касди газ­дихъ галаз алакъалу кIвалахрал маш­гъул жезвай махсус тешкилатдихъ галаз икьа­рар кутIунна кIанда — техникадин ва ремонтдин жигьетдай кIва­лахар гъавурда авай пешекарри кьиле тухудайвал.

Гьазурайди — Муса  Агьмедов