Военный махсус серенжемдин иштиракчийрин хизанриз республикадин МФЦ-дин идарайра талукь тир рекьерай тамамдиз куьмекар гуда. Идакай РД-дин кьилин МФЦ-ди хабар гузва.
“Помощь СВОим” акциядин сергьятра аваз, абуруз нубатда акъваз тавуна, государстводин 70-далай виниз къуллугърикай (услуги) менфят къачудай мумкинвал ава. Месела:
— ЖКУ-дай гузвай гьакъидин кьезилвилер тайинарун;
— яшайишдин вири жуьредин такьатар тайинарун;
— студентар чирвилер къачунин гьакъи гуникай азадун;
— газдин тадаракар тайинаруниз талукь пул къачун патал документар туькIуьрун;
— мобилизация авунвайбурун хизанар кIвалахдай чкайралди таъминарунин карда куьмек гун патал документар кьабулун;
— кьезил автомобилрай гузвай налогрикай азадун.
Къейдзавайвал, СВО-дин иштиракчийрин багърийривай, нубатда акъваз тавунин кьезилвилерикай менфят къачуналди, МФЦ-дин идарайра пешекардивай меслятар къачуз, и ва маса къуллугъдиз талукь документар вугуз ва нетижаяр вахчуз жезва. И кар патал МФЦ-дин идарайра авай терминалра кьилдин махсус кнопка кардик кутунва.
“Помощь СВОим” акциядин куьмекрикай галай-галайвал малуматар mfcrd.ru сайтдай ва я МФЦ-дин call-центрадин 666-999 нумрадиз зенгна, чириз жеда.
«Лезги газет»
