“Дагъустандин экономика” телеграм-каналди, чкадин Гьукуматдин пресс-къуллугъдин делилрал асаслу яз, хабар гузвайвал, къайдадикай хкатнавай гьалда авай кIвалерай куьчарунин серенжемдиз пуд йисан къене саки 5 миллиард манат пул харжда. ИкI, 2023-2025-йисара республикада, санлай къачурла, саки 70 агъзур кв.метрдикай ибарат тир чкIидай гьалда авай кIвалерай агьалияр куьчарда.
Ихьтин гьалда авай кIвалер Махачкъала, Буйнакск, Дагъустандин Огни, Дербент, Каспийск, Къизилюрт, Къизляр, Кьиблепатан Сухокумск шегьерра, Гергебиль ва Тарумовка районра ава. И серенжем кьиле тухунин нетижада саки 5000 дагъустанвидин яшайишдин шартIар хъсан жеда.
«Лезги газет»
