Алай йисуз Дагъустанда прунз гьялдай заводрин кьадар артух жеда. “Дагъустандин экономика” телеграм-каналди республикадин хуьруьн майишатдин ва суьрсетдин министерстводин пресс-къуллугъдал асаслу яз хабар гузвайвал, ихьтин цIийи карханаяр иллаки Къизляр районда ачух жеда. Малум тирвал, и муниципалитет дуьгуь гьасилунал гьалтайла, кIвенкIвечи чкадал ала.
Къейд ийизвайвал, инвесторрикай сад “Арешевка” тIвар алай ООО я. Ада са сменада 40 тонндив агакьна дуьгуь гьялдай цIийи цех эцигун пландик кутунва. Санлай къачурла, алатай йисуз Дагъустанда прунз цайи майданар 4,2 агъзур гектардин артух хьана, гила адан кьадар 31,3 агъзурдав агакьнава. Гьа са вахтунда 2022-йисуз 129,1 агъзур тонн прунз кIватI хъувуна (гектардай 42,1 центнер).
РикIел хкин, эхиримжи вахтара Дагъустанда прунз гьялдай кьуд завод кардик кутуна. Алай вахтунда, санлай къачурла, республикадин карханайри сменада 250 тонндив агакьна прунз гьялзава.
Чи мухбир
