20-мартдиз Дагъустанда ЕГЭ тайинарнавай асул вахтунилай фад вахкудай кампания башламиш хьанва. Ам 19-апрелдалди давам жеда. Вахтунилай фад башламишзавай ЕГЭ-дин имтигьанар географиядилай ва литературадилай башламиш хьана.
Гуьгъуьнлай, 23-мартдиз, иштиракчийри урус чIалай чпин чирвилер ахтармишна. 27-мартдиз виликамаз тухузвай госаттестация бинелу ва профильный математикадай кьиле фена. 30-мартдиз ам физика, биология ва къецепатан чIаларин кхьинардай пай хкягъайбуру, 3-апрелдиз — къецепатан чIаларин рахадай пай, 6-апрелдиз — обществознание, информатика, ИКТ, 10-апрелдиз тарих ва химия хкягъай жегьилри вахкуда. 12-апрелдилай 19-апрелдалди расписанида вири и тарсарай имтигьанар вахкун патал куьмекдин йикъар фикирда кьунва.
Къейд ийин,асул вахтунилай фад ЕГЭ вахкун патал республикада анжах са пункт (ППЭ-622) фикирда кьунва. Ам Махачкъаладин 22-нумрадин лицейда ава. Санлай къачурла, асул вахтунилай фад ЕГЭ вахкун патал 285 касдилай арзаяр атанва.
Жасмина Саидова
