2023-йисуз Дагъустандин мектебра кIелзавай аялрин сагъламвал гатун вахтунда хъсанарунин кампаниядиз алатай йисан кьадардилай 20 миллион манатдин гзаф харжда. Санлай къачурла, харжийри 381,8 миллион манат тешкилун лазим я. Идакай РД-дин образованидин ва илимдин министр Яхья Бучаева кьетIен гьаларин нетижаяр арадай акъудуниз ва абурун вилик пад кьуниз, гьакIни цIаяр кьунин жигьетдай хатасузвал таъминаруниз талукь комиссиядин заседанидал малумарна.
“Аялрин ял ядай вахт дуьздаказ тешкилун патал суткадин кьиляй-кьилиз жедай 202 лагерь ва йикъан вахтунда жедай 177 лагерь гьазурда. Гатун сагъламардай кампанияда республикадин мектебра кIелзавай 34 агъзурдалай гзаф аялри иштиракда.
Аялрин сагъламардай идарайрин реестрдиз 2022-йисуз аялар сагъламардай лагеррин руководителрин патай 25 арза гана, абурукай 5 гьуьлуьн къерехда авайбур я”, — алава хъувуна министрди.
«Лезги газет»
