Мукьвара Хасавюрт райондин ЦIийи Къурушрин хуьре, рамазандин вацраз талукьарна, аялрин арада азаддиз кьуршахар кьунай турнир кьиле фена. Акъажунар кьиле Абдул-Жабар Жебиев авай хайи хуьре спорт вилик финихъ рикI кузвай жегьилрин са дестеди тешкилна.
Турнирда заланвилин 8 категориядай 50-дав агакьна аялри иштиракна. Мярекат тренерар тир Мамед Мамедшагьовани (кьилин судья) Ибрагьим Мамеева (судья) тухвана.
Акъажунрин нетижада чемпиондин тIварцIиз Абдурагьман Къарибов, Абубакр Шагьпазов, Амир Адигуьзелов, Умар Алиев, Рамазан Рагьимов, Сулейман Юсупов ва Мурад Эбилов лайихлу хьана. Гъалибчийриз медаларни грамотаяр ва акъажунра тафаватлу хьайи Адам Рагьимоваз “Хуьруьн пагьливан” тIварни, дипломни чIул гана.
Турнирдин тамашачийрикай сада — Теймур Шамилова — вичиз хуш хьайи са спортсмендиз — Мурад Эбиловаз, савкьат яз, Ямин Мегьамедован “Пак Къуръандин аятрин манаяр — лезги чIалал” ктаб пишкешна. Къейд ийин хьи, турнирда хуьруьн администрациядин патай Ислам Гьайбатова иштиракна.
Чи мухбир
