Газпромдин программадин бинедаллаз Дагъустанда 2025-йисалди 210-далай гзаф хуьрер газламишун пландик ква. И рекьиз 22 миллиард манат фикирда кьунва. Идакай региондин гьукуматдин председатель Абдулмуслим Абдулмуслимова РД-дин Халкьдин Собранидин сессиядал хабар гана.
“Газпром” ПАО-ди республикада 22 миллиард манатдин кьадарда аваз газдин сетар туькIуьрунин программа тестикьарнава. Ида 2025-йисалди республикадин 211 хуьре авай 40 агъзурдалай гзаф кIвалерив тIебии газ агакьардай мумкинвал гуда”, — лагьана ада.
Абдулмуслимован гафаралди, алатай йисуз, санлай къачурла, 229 километрдин яргъивал алай газдин 19 объект эцигна акьалтIарнава.
“Пуд хуьре газдин линияр тухванва ва мад 12 хуьре авай тахминан 7 агъзурдалай гзаф кIвалерив газ агакьарунин мумкинвал таъминарнава. “Газпром” ПАО-дин газ хкудунин ва лазим чкайрив агакьарунин объектар 2021-2025-йисара цIийикIа туькIуьр хъувунин ва алай аямдив кьадайвал тадаракла-мишунин программадин сергьятра аваз, газ лазим чкайриз рекье твадай 9 станция техникадин рекьяй цIийикIа туькIуьр хъувунин кIвалахар акьалтIарнава. 2023-йисуз ихьтин 8 сеть цIийикIа туькIуьр хъувун фикирда кьунва”, — лагьана А.Абдулмуслимова.
«Лезги газет»
