И йикъара Россиядин здравоохраненидин къуллугъчийри чпин пешекарвилин сувар къейдна. Медицинадин къуллугъчийрин йикъаз талукь мярекат 22-июндиз Мегьарамдхуьруьн райондани шад гьалара кьиле фена.
Райондин администрациядин залда медицинадин идарайра кlвалахзавай вири къуллугъчияр кlватl хьанвай. Мярекатда ЦРБ-дин кьилин духтур Гьажибала Беглерова, райондин администрациядин жавабдар къуллугъчи Вячеслав Къазиева, райондин СМИ-дин векилри ва масабуру иштиракна.
Мярекат ачухай «Мегьарамдхуьруьн район» МР-дин Кьил Фарид Агьмедова вири къуллугъчийриз пешекарвилин сувар тебрикна ва духтурдин зегьметдин важиблувиликай ихтилатна. Гуьгъуьнлай Ф.Агьмедова райондин администрациядин патай чухсагъулдин чарар, муниципальный райондин ва РД-дин здравоохраненидин министерстводин патай грамотаяр вахкана.
«Лезги газет»
