30-июндиз Мегьарамдхуьруьн районда Дагъустандинни Чечнядин имамрин муаллим, диндин машгьур маарифчи Ярагъ Мегьамед кечмиш хьайидалай инихъ 180 йис тамам хьуниз талукьарнавай республиканский гегьенш форум кьиле фида. Идакай «Лезги газетдиз» райадминистрациядин пресс-къуллугъди хабар гузва.
Мярекатда Дагъустандин Гьукуматдин, Муфтиятдин ва вири Дагъустандин векилри иштиракда. Кьилди къачуртlа, форумдин мугьманар алимар, искусстводин деятелар, тарихчияр ва масабур жеда.
Къейдзавайвал, официальный рахунринлай гъейри, форумдин сергьятра аваз кьиле тухун патал медениятдиз талукь гегьенш программани гьазурнава.
Форум Мегьарамдхуьруьн медениятдин центрада сятдин 11-даз кьиле фида. Тешкилатчийри ашкъи авай вирибуруз теклифзава.
«Лезги газет»
