Йошкар-Оладикай итижлу делилар
— ЧIехи ва къадим Йошкар-Ола шегьер Марий Эль республикадин меркез я.
— Йошкар-Олада 281 агъзурдалай виниз инсанар яшамиш жезва. Шегьердин умуми майдан 110 квадратный километрдикай ибарат я.
— Са девирра и шегьердин мулкар Къизилдин Орда чкIайдалай кьулухъ арадал атай Казандин ханлухдик акатзавай.
— Бязи маса шегьеррин хьиз, Йошкар-Оладин бинени са мус ятIа сергьятдин къеледин еринда кутунай.
— Марий чIалай таржума авурла, “Йошкар-Ола” “яру шегьер” лагьай чIал я.
— Исятда Йошкар-Ола шегьер алай мулкарал тахминан 12 агъзур йис идалай вилик къадим инсанар яшамиш хьанваз гьисабзава. Шегьердин бине 1584-йисуз кутуна.
— Йошкар-Оладилай гъейри, тIвар “й” гьарфунилай башламишзавай кьвед лагьай шегьер Россияда мад авач.
— И шегьер дуьзен чкадал ала.
— ХХ асирдин эвел кьилера и шегьерда саки 2 агъзур кас яшамиш жезвай. 100 йисан муддатда шегьердин агьалийрин кьадар 150 сеферда артух хьана.
— Йошкар-Ола маса шегьерриз ухшар тушир, итижлу шегьер я.
— Шегьерда саки 100 миллетдин векилар яшамиш жезва. Амма чкадин кьилин агьалияр марийвияр я.
— Йошкар-Ола Россиядин “лап къацу” шегьеррин сиягьдик ква. Гьакъикъатдани, и шегьерда тарар-набататар гзаф ава.
— Православидилайни исламдилай гъейри, и шегьерда куьгьне мажусийрин инанмишвилерал амалзавайбурни ава.
— Йошкар-Олада автобусрилай гзаф троллейбусар ава.
— Къазахстандин мулкара авай дагъларин са кукIушдиз Йошкар-Ола шегьердин тIвар ганва.
Гьазурайди – К.Ферзалиев
