Бахт — руьгьдай яшайишдин шартIарал рази хьун, майилвал, шадвал, гьейранвал гьиссун я.
Бахтунихъ ялиз, чалкечирвилик кьил кутун, масадан намусдик хкIурун гъейратлувал, жуьрэтлувал туш, бедбахтвал я.
Жуван бахт я къачуз жедач, я багъишиз.
Еке бахт я хизан, гъвечIи-чIехи чидай, лагьай гаф туьтуьнай фидай, арада гьуьрмет авайди хьун.
Бахтлувилихъни вичин шадвилерин атIа кьил ава.
Бахтлувилихъ сейливални гала. А сейлиди, деб гвайди ара-ара хиялрикни акатда, вични бахтлубурукай я жал лугьуз.
Гьар са касдиз вичин бахт ава, зун бахтлу я, бахтлуди акваз…
Бахтни намус вахни стха я. Далудихъ стха-намус галай ваха стхадин лувар генани къуватлу хъийида.
Бахтар авай сандух зи гъиле хьанайтIа, за адан къалпагъ петлиярни галаз алуддай!..
Рагъ къведайди хьиз, бахтни атана хъуьредай, эгер гьар са рикIе са сикIни авачиртIа…
Нурудин Насруллаев
