Январдин эхирра Дагъустандин джиу-джитсудай федерациядин президент, Россиядин хкянавай командадин кьилин тренер Нурдин Эминова Усуррин, ЦIийи Гъепцегьрин ва КьепIир-Къазмайрин хуьрера тренер-муаллим, джиу-джитсудай са шумудра дуьньядин чемпион ва гзаф маса шабагьрин сагьиб Эйнар Экберов спортдин и жуьредай Кьиблепатан Дагъустанда кьилин тренервиле (официальный векил) тайинарнава. Тебрикдин чими келимаяр агакьарун яз, чна адахъ мягькем сагъвал ва мадни еке агалкьунар хьун алхишзава.
РикIел хкин: Э.Экберовахъ вичихъ хьиз, адан гъилик устадвал хкажзавай гъвечIи пагьливанрихъни хъсан нетижаяр жезвайдакай чна газетда садрани кьведра кхьенвач. Къуй абурухъ ва кьилин тренердихъ инлай кьулухъни чIехи агалкьунар хьурай!
Р. Рамалданова
