РД-дин Кьилин патав кардик квай илимдин, техникадин, эдебиятдин, публицистикадин, искусстводин ва архитектурадин хилерай государстводин премияр гунин комиссияди 2023-йисуз Дагъустандин халкьдин шаир Расул Гьамзатован тIварунихъ галай премия къачуз кIанзавайбурун сиягь веревирд авун патал раижнава.
Къейд ийин хьи, эдебиятдин хиляй премия къачун патал теклифнавай ктабрин арада Мансур Куьревидин (Низами Абдулгьамидован) “Етим Эмин (1840-1880)” ктабни ава.
И кар фикирда кьуна, чна газет кIелзавайбурукай и ктабдихъ галаз танишбурувай адакай фикирар кхьена, редакциядив агакьарун тIалабзава.
РикIел хкин, Мансур Куьревидин къелемдикай Етим Эминан ирсиниз талукь кьве ктаб хкатнава. Абурун арада, винидихъ тIвар кьунвайдалай гъейри, “Етим Эмин. ЦIувай куз тахьай цIарар” ктабни ава.
Чи мухбир
