“Лезги газетдин” 2-нумрада чна алай йис патал 10 ва адалай гзаф газетар кхьейбурун тIварар кьунвай ва абуруз редакциядин коллективдин тIварунихъай сагърай лагьанвай.
И йикъара Дербент районда чи хсуси мухбир Къагьриман Ибрагьимова 2023-йис патал газет кхьинин карда куьмекар ганвай мад са шумуд касдикай делилар агакьарна. Агъадихъ чна абурун тIварар кьазва ва хайи чIалал акъатзавай газетдин тираж артух хьуник пай кутунай абуруз сагърай лугьузва.
Жамбулат Гьасановаз — налогрин инспекциядин регьбердиз:
Кьегьал хци гьар йисуз
Куьмек гузва газетдиз.
ЧIалан къадир авай хва,
Ви тIвар кьазва гьуьрметдив.
Тельман Гьамзаевазни Физули Сагьуеваз — “ТЕФИ” ООО-дин регьберриз:
Гьар са кардик пай кутазва
Халкь паталди гъиле кьунвай.
Квез аферин, чан стхаяр,
Лезгидин тIвар вине кьунвай.
Рамиз Гьабибулаеваз — Белиж поселокдин кьилиз:
Хайи “Лезги газет” кхьин
Алудзавач рикIелай!
Дидед чIалахъ, хайи чилихъ
РикI кузвай хва кIевелай.
* * *
И йикъара редакциядив мад кьве касди газетар кхьин патал пулдин такьатар агакьарна.
Гьуьсейн Рамазановаз — “Опытный завод электроугольных изделий”АО-дин генеральный директордиз:
Жумарт хва я гудай куьмек,
Къурушви я — гьакьван зирек.
Уьтквемдаказ бубайрин рехъ
Давамзавай хва я герек!
Абдуллагь Вагьабоваз — жуьреба-жуьре парар санай масаниз тухудай карханадин къуллугъчидиз:
Бубадивай къачур тарсар
Квадар тийиз, кIвалахзава.
Вун хьтин гьар са архадал
Лезги халкьди дамахзава.
«Лезги газет»
