Великий Новгород шегьерда Дагъустан Республикадин патай векил Заирбег Атаевич Межидова зун чи ватанэгьли Алисман Вагьабован хизандихъ галаз танишарна. Абурун хизанда кьве велед — руш Таисия ва хва Эльдар чIехи жезва…

Вичин 10 йис хьанвай Эльдара зун гзаф шадарна. 4 йисаз акъатайдалай ­кьулухъ ам спортдин са шумуд жуьредал машгъул­ хьана, эхирни дзюдодал акъвазна. И йиса­ра ада жуьреба-жуьре акъажунра 27 медаль къазанмишнава. Эльдара  вичин  вилик  кьакьан  кукIуш­рихъ ялунин макьсад эцигнава, и рекье галатун тийижиз зегьметни чIугваз­ва. Ам дзюдодал акъвазун дуьшуьшдин кар туш. “Дзюдодал викIегь итимар маш­гъул жезва”, — лагьана гъве­чIи кье­­гьалди са интервьюда. Адахъ къацу чIул ава. Адан мурад чIулав чIулни къазанмишун я.

Акъажунра Эльдара неинки вичин викIегьвал ва устадвал, гьакIни бубайрин ватандин такабурлу дагълар хьтин руьгьдин кьа­кьанвал къалурзава. Чи мурад адахъ неинки Великий Новгородда, гьакI дуьньядин спортдин кесерлу майданрани зурба агалкьунар хьун я.

Бикеханум Алибегова