И йикъара ЦIийи Къаякентда боксдай кьиле фейи республикадин турнирда 16 командадик кваз (15-16 йисарин яшда авай) 100-лай виниз жаванри иштиракна.

СтIал Сулейманан рай­ондин администрациядин спортдин, туризмдин ва же­гьил­­рин крарин ре­кьяй комитетди рекье туналди, и акъажунра КIвар­чагъай тир боксёррини иштиракна. ДЮСШ-дин тренер-муаллим Альберт Межидован регьбервилик кваз чпин устадвал хкажзавай жаванри икьван гагьдини чпин гьунарар садрани-кьведра къалурнавач. И сефердани абуру къизилдин пуд медаль къазанмишна. Ингье абурун тIва­рар: Агьмедагъа Шамсудинов (60 кг), Артём Агъаме­гьамедов (63 кг) ва Ильхан Эзбербегов (80 кг-дилай виниз).

Гъалиб хьайи вири спортсменриз кубокар, медалар, грамотаяр, гьакIни пулдин пишкешар гана.

Р. Рамалданова