И йикъара Сулейман-Стальский райондин кьил Нариман Абдулмуталибов Эминхуьре цlийи мектебдин дарамат эцигунин кlвалахар кьиле физвай гьалдихъ галаз таниш хьана.
Цlийиз эцигзавай мектебда 440 ученикдиз чка жеда. Республикадин бюджетдай вахтунда такьатар агакь тавурвиляй мектебдин дарамат эцигунин месэла яргъал аватна.
2018-йисан 1-сентябрдиз мектебдин дараматди аялар патал вичин ракIар ахъайда. Алай вахтунда ина чирвилер гудай корпус, пищеблок ва актовый зал тамамдиз куьтягьнава, къенепатан кlвалахарни кьилиз акъуднава. Исятда спортзал эцигунин ва патарив гвай мулкар герек тир къайдадиз гъунин крар кьиле физва.
Нариман Абдулмуталибов дараматдин къенепатариз ва къачунвай мебелдиз килигна. Ада талукь тир ксариз тапшуругъарни гана.
«Лезги газет»
