Докъузпара райондин ЦIийи Къаракуьре хуьруьн спорткомплексда азаддиз кьуршахар кьунай аялринни жегьилрин арада кIвенкIвечивилин акъажунар кьиле фена. Муниципалитетдин администрациядин пресс-къуллугъди хабар гузвайвал, турнир Украинада кьиле физвай махсус серенжемда иштиракзавайбурузни ана телеф хьайибурун экуь къаматриз бахшнавай.
Акъажунра 2006, 2007-2009, 2010-2012-йисара дидедиз хьайи 80-далай виниз спортсменри иштиракна.
Турнирдин асул пай гатIундалди вилик Докъузпара райондин администрациядин спортдин, жегьилрин сиясатдин ва туризмдин рекьяй отделдин начальник Имиржан Алискерова, жемиятдин векил Ариф Гьафизова мярекатдин мугьманарни иштиракчияр тебрикна ва спортсменрихъ агалкьунар хьун алхишна.
Турнирдин нетижада заланвилин жуьреба-жуьре категорийрай кIвенкIвечи чкаяр кьурбур грамотайриз, медалриз ва кубокриз лайихлу хьана.
«Лезги газет»
