—           Крокодилар Чилел яшамиш жезвай лап къадим гьайванрикай я.

—           Пешекарри тестикьарзавайвал, 3 агъзур йис идалай вилик крокодилар анжах це яшамиш жезвай, абурун бедендин яргъивални 13 метрдив агакьзавай.

—           Крокодилар чими ва кьеж квай гьава авай вири чкайра яшамиш жезва. Абур Африкада, Кеферпатанни Кьиблепан Америкада, Австралияда, Гватемалада, Балида ва масанра гьалтда.

—           Алай вахтунда алимри крокодилар 3 килфетдиз, 8 жинсиниз ва 24 жуьредиз пайзава.

—           Суткадин муддатдикай крокодилри гзаф вахт це акъудзава. Абуруз кьел квачир яд хуш я. Гьа са вах­­­тунда и гьайванривай гзаф кьел квай гьуьлуьн цени уьмуьр кьиле тухуз жеда.

—           Крокодилар гзаф вахтара аллигаторрихъ галаз какадарзава. Ухшарбур ятIани, абур чара-чара гьайванар я. Аллигаторрилай тафаватлу яз, крокодилривай уьцIуь цени яшайиш кьиле тухуз жезва. Аллигаторар крокодилрилай гъвечIи я.

—           ТIебии шартIара гьам крокодиларни, гьам аллигаторарни дуьшуьш жедай тек са чка ава — Флорида­.

—           Адет яз, и вагьшияр кьураматдал экуьнахъ ва я нисинилай кьулухъ экъечIда. И чIавара абуруз ракъи­нин чимивал кьабулдай мумкинвал жезва.

—           Кьураматдал крокодилар тек-туьк дуьшуьшра гьерекатдик жеда. Амма гереквал хьайитIа, абурулай яргъа мензилни атIуз алакьзава. Са сятда 17 километр­диз физ жеда.

—           Крокодилар 30-40 йисуз яшамиш жезва, бязи чIехи жуьреяр лагьайтIа — 60-70 йисуз кьван.

—           Австралиядин зоопаркда 134 йис хьанвай крокодил яшамиш жезва.

—           Австралиядин къерехра лацу нахадилай крокодилри гзаф инсанар рекьизва.

—           Крокодилрин гзаф жуьреяр чпи чеб недай гьайванар я. Гзаф дуьшуьшра еке крокодилри гъвечIибур туькьуьнда.

—           ТIебиатда крокодилар хаталу гьайванар я. ­Австралиядин тIимил инсанар яшамиш жезвай чкайра крокодилри гьужумунин хаталувал авайдакай хабар гузвай малуматар, лишанар гьалтда.

—           Гьар йисуз Австралияда крокодилри инсанрал гьужумзавай 40 дуьшуьш дуьздал акъудзава, Малайзияда — 100 дуьшуьш, Африкада — 1000-далайни гзаф.

—           Крокодилрин тIиш “V” гьарфуниз ухшар я, аллигаторрин тIиш — “U” гьарфуниз.

—           Регъ-регъ хьанвай крокодил руфун галчIуриз фидай гьайванрикай виридалайни екеди я. Ада кIасу­нин къуват амай вири вагьшийриндалай, гьатта лацу нахадиндалайни къуватлу я.

—           Крокодилар пара амалдар ва сабурлу гьайванар я.

—           Крокодил вердишариз тежедай гьайван я.

—           Таиландда крокодилар хуьзвай махсус ферма ава.

—           Тропикрин бязи уьлквейрин агьалийри крокодилрин як тIуьниз ишлемишзава.

—           Жуьредилай тафаватлу яз, крокодилрин сарар 72-далай 100-дав агакьда.

«Лезги газет»