И йикъара Краснодарда азаддиз кьуршахар кьунай Бесик Къудухован экуь къаматдиз талукьарнавай Вирироссиядин турнир кьиле фена. Ана уьлкведин жуьреба-жуьре регионрай вишелай виниз спортсменри иштиракна.
Дагъустандин патай акъажунра иштиракайбурун арада Мегьарамдхуьруьн районда азаддиз кьуршахар кьунай кардик квай школадин векил Фаргьад Атахановни авай. Къейд ийин хьи, ам алай вахтунда спортдал Хасавюрт шегьерда машгъул жезва.
Ам хайи республикадиз кишпирдин медаль гваз хтана. 3-чка патал кьиле фейи бягьсина адахъ галаз гьасиррал Москвадай тир Марат Хашукоев экъечIна. 7:1 гьисабдалди чи ватанэгьли гъалиб хьана.
«Лезги газет»
