Мукьвара Челябинск шегьерда гъутаралди кукIунай Уралдин Федеральный округдин кIвенкIвечивал патал акъажунар кьиле фена. Турнирди округдин регионрай цIудралди виридалайни къуватлу спортсменар санал кIватIна.
Иштиракчийрин арада алай вахтунда Пыть-Ях шегьерда яшамиш жезвай чи ватанэгьли Фатулагь Гьуьсейновани иштиракна. 62 килограммдин заланвал авайбурун арада ада 1-чка кьуна.
Къейд ийин хьи, Ф.Гьуьсейнован бине Хив райондин ЦIийи Фиригърин хуьряй я. Ам спортдал Пыть-Ях шегьерда машгъул жезва ва жуьреба-жуьре акъажунра иштиракзава. Алай вахтунда ада гъутаралди кукIунай уьлкведин дережада аваз кьиле фидай чемпионатдиз гьазурвилер аквазва.
«Лезги газет»
