Смугъулрин хуьре чкадин агьалийрин ва кьилдин ксарин куьмекдалди спортдин алай аямдин майдан эцигунин кIвалахар гатIуннава.

Чкадин агьалийри къейдзавайвал, хуьре спортдал машгъул жезвай жегьилар гзаф ава, амма девирдин истемишунрив кьур материалринни техникадин база, шартIар авач. ЯтIани жегьилри райондин турнирра чпин алакьунар къалурзава. Мадни кар алай месэла —  им спортсменар патал спонсорвилин куьмекар я. Алакьунар авай жегьил спортсмен майдандиз ­акъудун, ада райондин ва республика­дин акъа­жунра иштиракун патал спонсорвилин куьмек герек жезва. Гила хуьре жедай алай аямдин спортдин майдан себеб яз  Сму­гъулай тIвар-ван авай спортсменар акъатдайдак, жегьилар чIуру рекье гьат тейидайдак абу­ру умударни ку­тазва.

Къейдзавайвал, эцигунар алай йисан эхирдалди куьтягь жеда.

Дагъви Шериф