9-июндиз Сулейман-Стальский районда и райондин кьил Нариман Абдулмуталибован теклифдалди кьиле фейи чIехи субботникда 700-лай гзаф инсанри иштиракна. Россиядин йикъаз ва Сив хуьнин сувариз талукьарна, хуьрерин мулкар абадунин ва михьунин мураддалди тухвай мярекат себеб яз, агьалийри чпин хуьрерин сергьятар хъсан къайдадиз хкана.
Къейд ийин хьи, субботникда райондин руководстводи, райадминистрациядин идарайринни тешкилатрин жавабдар къуллугъчийри ва хейлин маса агьалийри иштиракна.
Нетижада райцентрадин кьилин куьчеяр, образованидин идарайрин сергьятар, дигидай цин къаналар, сурарин мулкар, паркар, ЦРБ-дин мулкар михьи авуна, тарариз киреж яна, абурун кьуранвай хилер ахтlана…
«Лезги газет»
