Ноябрдин эхирра Армавир шегьерда самбодай уьлкведин дережада аваз Урусатдин Игит, генерал-полковник Г.Н.Трошеван экуь къаматдиз бахшнавай акъажунар кьиле фена. Ана 15 региондай саки 200 спорстменди иштиракна.

1-чкадиз лайихлу хьайибурун арада Ме­гьарамдхуьруьн райондай тир Рамин Баязовни ава. Ада турнирда Став­ро­полдин хкягъай командадик кваз ишти­ракна.

* * *

Чечен Республикада самбодай кьиле ­фе­­йи СКФО-дин кIвенкIвечивилин акъажунрани Мегьарамдхуьруьн райондай тир са спортсмендикай турнирдин гъалибчи хьана.­

Акъажунрин нетижада Сайид Къурбанов Дагъустандин хкягъай командадик квай виридалайни хъсан ирид спортсмендикай сад яз гьисабнава.

Къейд ийин хьи, турнирда иштиракай командайрин арада чи республикадин команда 1-чкадиз лайихлу хьана. Дагъустанвийрин “шабагьрин чантада” кьуд — къизилдин ва пуд кишпирдин медалар авай.

* * *

3-декабрдиз Сыктывкар шегьерда какахьай женгерай “Parma Fights 12” лишандик кваз турнир кьиле фена. “Лезги спорт” порталди хабар гузвайвал, акъажунрин кьилин бягьсина гьасиррал чи ватан­эгьли Ислам Абдулгъаниевни Санкт-Петербургдай тир Никита Карачинец экъечIна.

3-раундда Ислам Абдулгъаниева, кIва­чиз тIардай прием авуналди, бягьс акьал­тIарна. Къейд ийин хьи, им чи ватанэгьлиди спортдин алемда къазанмишнавай чIехи агалкьунрикай пуд лагьайди я. Икьван чIавалди ам садазни кумукьнавач.

Чи мухбир