Пушкинан шииратдин югъ яз къейдзавай 6-июндиз Сулейман-Стальский райондин Уллугъетягърин хуьруьн ктабханада «Пушкин вири девирра эбеди я» лишандик кваз ктабрин выставка тешкилна.
Мярекатда и хуьруьн мектебдин 6-классда кlелзавай аялри иштиракна. Выставкадал акъуднавай ктабри кlелчияр зурба шаирдин уьмуьрдинни яратмишунрин рекьихъ галаз танишарна. Кlелчийри иллаки А. Пушкинан уьмуьрдин бязи итижлу делилрикай ихтилатзавай гьикаядиз кьетlен дикъет гана.
Аялри шаирдин шиирар, адан махарин бязи чlукар хуралай кlелна. Ктабханадин заведующийди ихьтин мярекатар себеб яз аялар шииратдин гафунал, эдебиятдал желб хьуник умуд кутазва.
«Лезги газет»
